Turas do Thuaisceart Éireann (2)

Tha mi air tòiseachadh air ullachadh airson mo thuras gu Èireann a tuath.

Tha a’ chairt siubhail agam air tighinn. “Nas urrainn dhomh ithe” de chòmhdhail rèile is bus fad latha airson dìreach £15.00.

Tha am mapa rèile agam deiseil cuideachd agus tha mi air tòiseachadh air beagan rannsachaidh a dhèanamh air eachdraidh nan rathad-iarainn anns an Tuaisceart.

Bha siostam rèile farsainn ann uair a bha a’ gabhail a-staigh a h-uile baile cudromach san sgìre. Chaidh seo a ghearradh gu mòr agus bha na dùnaidhean na bu thràithe agus na bu mhiosa na rinn fiù’s am Morair Beeching (tuiteam gun èirigh air agus leac air a bheul!).

Tha deagh mhapa ri fhaighinn air làrach-lìn a’ BhBC far a bheil na loidhnichean uile rim faicinn bho 1900 chun an latha an-diugh.

San latha an-diugh, chan eil ach beagan loidhnichean air taobh an ear an Tuaisceart air fhàgail. Chan eil rathad-iarainn sam bith ann am Fear Manach no Tìr Eoghainn.

A dh’aindeoin sin, chan eil e furasta a dhol orra uile ann an aon latha. Tha e a’ toirt còrr is 2 uair a thìde gu Doire agus tha glè bheag de thrèanaichean a’ dol chun an Iúir. Gabhaidh a dhèanamh ceart gu leòr ach san t-Samhain, tha e fàs dorcha cho tràth is nach fhaicinn dad air an t-slighe gu Doire is mar sin, bidh feum agam air turas eile latha eile.  

Mar sin, seo am plana agam aig an ìre seo:

Beál Feirste – Latharna – Beál Feirste

Beál Feirste – Port an Dúnáin    

Port an Dúnáin – Beannchar

Beannchar – Beál Feirste

Beál Feirste – Cúil Raithin

Cúil Raithin – Port Rois – Cúil Raithin

Cúil Raithin – Beál Feirste

Alasdair

About alasdairmaccaluim

Eadar-theangair, neach-leasachaidh cànain, neach-iomairt Gàidhlig, sgrìobhadair, rocair agus droch chluicheadair beus.
Chaidh seo a phostadh ann an Uncategorized agus a thagadh , , , , , . Dèan comharra-lìn dhen bhuan-cheangal.

Fàg freagairt

Cuir a-steach am fiosrachadh agad gu h-ìosal no briog air ìomhaigheag gus clàradh a-steach:

WordPress.com Logo

Tha thu a' toirt seachad beachdan leis a' chunntas WordPress.com agad. Log Out / Atharraich )

Dealbh Twitter

Tha thu a' toirt seachad beachdan leis a' chunntas Twitter agad. Log Out / Atharraich )

Facebook photo

Tha thu a' toirt seachad beachdan leis a' chunntas Facebook agad. Log Out / Atharraich )

Dealbh Google+

Tha thu a' toirt seachad beachdan leis a' chunntas Google+ agad. Log Out / Atharraich )

Connecting to %s