Bha mi toilichte fhaicinn an latha roimhe gu bheil daoine ann a tha nas craicte fiù’s na tha mise.
Nuair a bha mi a’ sireadh fiosrachadh mun Docklands Light Railway ann an Lunnainn, lorg mi dà làrach-lìn mun Tube Challenge. ‘S e a th’ anns an tube challenge ach a bhith a’ feuchainn ri dhol air a h-uile loidhne air Fo-thalamh Lunnainn ann an aon latha.
Bheir seo 16 uair a thìde aig a’ chàr as lugha agus tha tòrr mòr obair planaidh a dhìth oir tha cuid de na loidhnichean dìreach fosgailte aig na h-amannan as trainge.
Ged a bhios mi air an London Underground nas fhaide air a’ mhìos, cha chreid mi gum feuch mi ris an lìonra air fad a dhèanamh. Is dòcha gun dèan mi fo-thalamh Ghlaschu air fad latha dè na làithean ge-tà oir cha toir sin ach 20 mionaid.
Alasdair
Trèanaichean, tramaichean is tràilidhean 