Tha mi air a bhith a’ leughadh tòrr mu na rathaidean-iarainn ann an Canada is na stàitean aonaichte bho chionn goirid.
Chur e iongnadh mòr orm de cho eadar-dhealaichte sa tha briathrachas nan rathaidean-iarainn ann am Ameireagaidh a tuath ri briathrachas na RA/Èireann. Tha fios aig a h-uile duine gur e railroad a th’ aca seach railway ach tha tòrr a bharrachd ann.
Seo liosta briathrachais a rinn mi. Dh’fheuch mi ri Gàidhlig a chur air a h-uile rud cuideachd!
Shunter no switcher?
| Beurla na RA | Beurla nan SA | Gàidhlig |
| Tram | Streetcar / trolley | Trama |
| Driver | Engineer | Dràibhear |
| Sleeper | Cross-tie / tie | Trasnan |
| Rail enthusiast / trainspotter | Rail fan / foamer (i.e foams at the mouth when sees a train) | Dealasach thrèanaichean |
| Rail enthusiast / trainspotter | Canada: DRF (demented rail fan) | Dealasach thrèanaichean |
| Brake van | Caboose | Bhan nam brèigichean |
| Level crossing | Grade crossing | Crois-rèile fosgailte |
| Shunter (shunting locomotive) | Switcher | ? |
| Railway station | Train station | Stèisean rèile |
| Route (pronounced ’rùt’) | Route (pronounced ’rabhd’) | Slighe |
| Couple | Add | Ceangail |
| Uncouple | Cut | Dì-cheangail |
| Bogie | Truck | Bògaidh |
| Request stop / halt | Flag stop | Stad roghainneil |
| Banker | Helper | Einnsean-cuideachaidh |
| Buffer stop | Bump stop | Na bufairean / Stad bufair |
| Rolling stock | Equipment | Carbadan rèile |
Trama no càr-sràide?
San aon dol seachad. Tha e a’ cur dragh mòr, mòr, mòr air dealasaiche-rèile san RA ma chanas daoine “train station”. Tha e a cheart cho dona ri bhith a’ cantainn “Gaylick” ri Gàidhlig. Dìreach na dean e, OK!
Alasdair
Trèanaichean, tramaichean is tràilidhean 