Tha mi ann an an Dún na nGall an Èirinn an t-seachdain seo air cùrsa Gaeilge agus fhad’s a tha mi air a bhith a bhos an seo, tha mi air a bhith a’ cumail sùil a-mach airson na tha air fhàgail de sheann rathaidean-iarainn Thír Chonaill.
Chaidh mi gu seann stèiseanan Caiseal na gCòrr is Ghaoth Dobhair an latha roimhe agus an-dè chunnaic mi beagan de làrach an trac faisg air Mín an Lábáin (Churchhill) bho mhullach Charraig an Dúin (Doon Hill). Bha e far a bheil na craobhan san deilbh seo.
Tha seo eadar Churchhill agus Foxhall air a’ mhapa seo.
Chunnaic sinn seo mar phàirt de latha mòr nuair a bha sinn ag ionnsachadh mu dhiofar làraichean le ceangail ri Calum Chille. Seo cuid aca:
Tha mi a’ dol dhachaigh an-diugh, a’ dol air a’ bhus gu Doire – bhithinn air an trèana a ghabhail nan robh i fhathast ann – agus an uair sin air an trèana gu Beal Feirste.
Às dèidh sinn, bidh mi air a h-uile loidhne rèile an dà chuid ann an Alba agus ann an Èirinn a tuath a dhèanamh. Cé an broc!
Alasdair
Trèanaichean, tramaichean is tràilidhean 