Deagh naidheachd – tha Humsa Yousaf, Ministear na Còmhdhail air a ràdh nach tèid Stèisean Bhrìch ann an Lodainn an Iar a dhùnadh.
Mhol Network Rail gun rachadh an stèisean a dhùnadh gus airgead a shàbhladh a chionn ’s nach bi mòran ga chleachdadh.
Thuirt an luchd-iomairt gur e droch eisimpleir a bhiodh ann nan rachadh stèisean sam bith a dhùnadh agus nach robh cothrom na fèinne air a bhith aig Stèisean Bhrìch a chionn ’s nach bi ach aon trèana gach taobh, gach latha a’ stad ann.
Chaidh iomairt a chur air dòigh agus bha a’ mhòr mhòr-chuid de na freagairtean airson an stèisean a ghlèidheadh.
Aig a cheann thall, dhiùilt am Ministear comhairle Network Rail a leantainn gus an stèisean a dhùnadh agus tha e a’ moladh gun stad barrachd thrèanaichean ann.
Seo fios naidheachd an Riaghaltais
Alasdair
Trèanaichean, tramaichean is tràilidhean 