Subway Ghlaschu 3.0 #gàidhlig @glasgowsubway

Tha dealbhan air tighinn am bàrr de na trèanaichean ùra airson Subway Ghlaschu air twitter.

Great to see first look at new Subway trains at Int transport trade fair #InnoTrans2018 with manufacturer Stadler. The new trains are a key part of our modernisation programme and we look forward to seeing them in Glasgow to start extensive testing soon. pic.twitter.com/NkAqyevXGg

— Glasgow Subway (@GlasgowSubway) September 18, 2018

Tha an Subway an dùil gum bi na trèanaichean ùra ann an seirbheis uaireigin ann an 2019. Roimhe sin, ge-tà, bidh aca ri deuchainnean a dhèanamh orra air trac-deuchainn an t-Subway a tha os cionn na talmhainn eadar Baile Ghobhainn agus Ath nam Broc air làrach meur-loidhne Baile Ghobhainn.  Tha mi an dòchas mar sin gum bi cothrom againn uile am faicinn ann an ùine nach bi ro fhada.

Dealbh den trac-deuchainn a’ coimhead gu tuath

 

‘S e atharrachadh mòr a bhios ann nuair a thig na trèanaichean ùra oir cha bhi dràibhearan aca idir, agus gu dearbh, cha bhi luchd-obrach sam bith orra. Tha gu leòr siostaman meatro ann gun dràibhearan sna làithean seo – an DLR ann an Lunainn mar eisimpleir, ach tha stiùirichean trèana orra a bhios a’ coimhead às dèidh an luchd-siubhail.

Interior of new Subway trains, with open walkways and preview of temporary driver’s cab for use during the migration phase of testing, when we move from the old to the new system, and before introduction to unattended train operation (UTO) pic.twitter.com/LR4lzRKBQB

— Glasgow Subway (@GlasgowSubway) September 18, 2018

Is toil leam coltas nan trèanaichean ùra bhon taobh a-muigh ach tha iad a’ coimhead fìor mhath air an taobh a-staigh cuideachd.

Found it! New Glasgow Subway train, walk-through, 4-cars, driverless – but with 'pop up' controls from the seat bit like the DLR. Loving the moquette too! pic.twitter.com/Wp236Tq9Hr

— Geoff Marshall (@geofftech) September 18, 2018

Gus na trèanaichean ùra a chomharrachadh, bidh mi a’ sgrìobhadh sreath de dh’artaigilean mun t-Subway an seo thairis air na miosan ri thighinn.

Alasdair