Tha Com-pàirteachas Còmhdhail Shrath Chluaidh (Strathclyde Partnership for Transport – SPT) air co-chomhairle a thoiseachadh air an Zonecard.
Ma tha thu a’ fuireach anns an sgìre aig SPT*, tha cothrom ann do bheachdan a chur a-steach.
Tha an Zonecard na chairt-siubhail airson trèana, bus agus subway agus tha e fhathast ann an cruth pàipear a-mhàin ged is e 2019 a th’ ann!
Tha mi air moladh gum bu chòir Gàidhlig nochdadh air an Zonecard bho seo a-mach. Tha seo na shàr-chothrom gus Gàidhlig a chur ann an àiteachan far am faic na milltean mòra i gach latha.
Tha mi cuideachd air moladh gum bu chòir dhan Zonecard a bhith na chairt-thapaidh, gum bu chòir dhi a bhith nas coltaiche ris an Oyster/contactless ann an Lunnainn (le pay-as-you-go agus capaichean làitheal/seachdaineil air cosgaisean) agus gum bu chòir dhi a bhith nas sùbailte gus am bi i freagarrach airson daoine a tha ag obair pàirt-ùine no a bhios a’ siubhal gu diofar àiteachan taobh a-staigh na sgìre.
Cha toir an ceisteachan ach dha no trì mionaidean a lìonadh – dèan e agus cuir Gàidhlig air an Zonecard!
Alasdair
*Glaschu, Schd Lannraig, Schd Dhùn Bhreatainn, Schd Rinn Friù, Schd Àir, Earra-Ghàidheil is Bhòid
Trèanaichean, tramaichean is tràilidhean 