Is mise Alasdair MacCaluim – am Broc. Tha mi a’ fùireach ann an Glaschu agus tha ùidh mhòr air a bhith agam ann an trèanaichean is tramaichean fad mo bheatha.
Seo blog mu dheidhinn trèanaichean, tramaichean agus tràilidhean – tursan trèana is trama agus beachdan air a h-uile rud co-cheangailte ri rathaidean-iarainn, gu h-àraid ann an Alba.
(Ach is dòcha gum bi rud no dhà an siud is an seo mu na rudan eile anns a bheil ùidh agam – meatailt throm, an àrainneachd, Gàidhlig agus mion-chànanan eile).
Tha mi a’ feuchainn ri dhol air gach rathad-iarainn ann an Alba beag no mòr – Network Rail, rathaidean-iarainn prìobhaideach, tramaichean, gèidse-choitcheann is caol-ghèidse (standard agus narrow gauge) agus fiù’s air meanbh rathaidean-iarainn (minature railways). Is e seòrsa ‘liosta-bucaid’ a th’ ann agus bidh mi ag aithris an seo air mar a tha mi a’ faighinn air adhart.
2017 – Alba deiseil! Tha mi air a bhith air a h-uile rathad-iarainn an an Alba a-nis – lìonra-nàiseanta agus loidhnichean glèidhte. Tha beagan meanbh-rathaidean-iarainn agam ri dhèanamh fhathast.
2018 – Rinn mi barrachd de na loidhnichean bathair ann an Alba nach eil fosgailte do luchd-siubhail mar as trice: depot Millerhill agus meur loidhne Lìte a Deas.
2019 – Èirinn a Tuath dèiseil! Rinn mi a h-uile rathad-iarainn ann an lìonra Northern Ireland Railways agus a h-uile rathad-iarainn glèidhte. Tha meanbh-rathad iarainn no dhà air fhàgail.
2019 – Rinn mi tòrr a bharrachd de na loidhnichean anns a’ Chuimrigh. Agus tha mi a-nis air a bhith air a h-uile rathad-iarainn gèidse-choitcheann ann an Èirinn a Tuath – lìonra NIR agus rathad-iarainn Dhún Phádraig agus Contae an Dúin.
2020 – Cha robh cus trèanaichean ann mar thoradh air a’ Chorònabhìoras!
2022 – Seo an t-adhartas agam anns a’ Chuimrigh:
| Borderlands Line | Llinell y Gororau | Deiseil |
| Cambrian Line | Llinell y Cambrian | Deiseil |
| Cardiff Bay Line | Llinell Bae Caerdydd | Deiseil |
| Cardiff City Line | Llinell Dinas Caerdydd | Deiseil |
| Conwy Valley Line | Llinell Dyffryn Conwy | Pàirt dhith |
| Corytown Line | Llinell Coryton | Deiseil |
| Ebbw Vale Line | Llinell Cwm Ebwy | |
| Heart of Wales Line | Llinell Calon Cymru | |
| Maesteg Line | Llinell Maesteg | |
| Marches Line | Llinell y Mers | Deiseil |
| Merthyr Line | Llinell Merthyr | |
| North Wales Mainline | Prif Linell Gogledd Cymru | Deiseil |
| Rhondda Line | Llinell y Rhondd | |
| Rhymney Line | Llinell Rhymni | |
| South Wales Main Line | Prif Linell De Cymru | Pàirt dhith |
| Vale of Glamorgan Line | Llinell Bro Morgannwg | Deiseil |
| West Wales Lines |
2022 – Seo an t-adhartas agam le Underground Lunnainn na-dràsta. Tha mi air a bhith air a h-uile loidhne. Seo na loidhnichean a chrìochnich mi gu ruige seo.
| Bakerloo | Deiseil |
| Central | Deiseil |
| Circle | Deiseil |
| District | Deiseil |
| Hammersmith & City | |
| Jubilee | Deiseil |
| Metropolitan | Deiseil |
| Northern | Deiseil |
| Piccadilly | Deiseil |
| Victoria | Deiseil |
| Waterloo and City | Deiseil |
| DLR | Deiseil |
| Emirates Air Line | Deiseil |
| London Trams | Deiseil |
Faic na dealbhan trèana agam air flickr aig: https://www.flickr.com/photos/amaccaluim/
Agus tha cunntas Instagram agam mu rathaidean-iarainn cuideachd aig: https://www.instagram.com/treanatramatrailidh/
Trèanaichean, tramaichean is tràilidhean 